Störf í boði
Hjá Vatnajökulsþjóðgarði starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarðsins.
Að staðaldri starfa rúmlega 50 manns hjá þjóðgarðinum en yfir sumartímann fer starfsmannafjöldi yfir 120. Höfuðstöðvar þjóðgarðsins eru á Höfn í Hornafirði og aðrar starfsstöðvar eru Ásbyrgi, Mývatnssveit, Skriðuklaustur/Fellabær,Skaftafell, Kirkjubæjarklaustur og á höfuðborgarsvæðinu. Krafturinn á bak við þjóðgarðinn liggur ekki einungis í einstakri náttúru, heldur einnig í kröftugu og ánægðu starfsfólki.
Sérfræðingur á austurhluta suðursvæðis
Vatnajökulsþjóðgarður auglýsir laust til umsóknar starfs sérfræðings á austurhluta suðursvæðis þjóðgarðsins með aðsetur á Höfn. Starfsstöðvar svæðisins eru á Höfn, á Breiðamerkursandi og í Lónsöræfum. Starf sérfræðings heyrir beint undir þjóðgarðsvörð á svæðinu. Um er að ræða fjölbreytt og skemmtilegt heilsársstarf.
Sótt er um starfið á Starfatorgi og er umsóknarfrestur til og með 15. apríl 2024.
Nánari upplýsingar, helstu verkefni og hæfniskröfur er að finna inná vef Starfatorgs.
Almenn umsókn
Viltu vera á skrá hjá okkur?
Mikilvægt er að taka fram í umsókninni hvar á landinu þú kýst að starfa og hvernig starfi þú leitar að. Eingöngu er ráðið í tímabundnar stöður eftir þessari leið. Allar ótímabundnar stöður eru auglýstar og þarf að sækja sérstaklega um þær.